Angel Locsin, inamin na di nya pinangarap mag-artista noon sa kabila ng pagiging bibo na bata

Pagdating sa pag-arte at napakagaling na aktres, una sa listahan natin ay si Angel Locsin. Mula pa man noon, napakarami na ng mga teleserye at mga pelikula na pinagbidahan ni Angel. Lahat ng ito ay ipinakita at pinatunayan ni Angel ang kanyang galing sa pag-arte.

Pero hindi lang sa pag-arte ang iniidolo ng mga kabataan at Pinoy kay Angel, kundi maging ang kanyang kabutihan at busilak na puso. Ang pagmamahal ni Angel at pagtulong niya sa panahon ng sakuna at kalamidad ay talaga namang ikinamangha ng lahat.

Bago pa man ang lahat ng naabot na ito ni Angel, nagmula din siya sa pagiging bata. Ibinahagi ni Angel ang kanyang kwento noong bata pa siya na kung saan mula pa man noon ay bibo at talented na talaga.

Sa panayam niya sa Jeepney TV, ibinahagi ni Angel na noong 3 years old pa lang siya ay hilig niya talaga ang pagsayaw at pagkanta.

Nang tanungin naman siya kung ano ba ang pangarap niya noong bata. Marami daw talaga siyang pangarap. Nais niyang maging doktor, guro, madre at iba pa. Di niya inasahan na pag aartista pala ang destiny niya dahil lahat ng ito ay naging role na niya.

Kinwento pa ni Angel ang kanyang karanasan sa isang pageant na naging best in talent siya kahit wala siyang hinandang talent. Naging impromptu ang lahat na kung saan kumanta, sumayaw at nagtula pa siya.